جرح الكرامه...

**اسيرة الدموع** الجمعة سبتمبر 18, 2009 6:23 am

بدري حبيبتي توه الجرح ماطاب

زيدي همومي واجرحي واتركيني

سيف ركزته وسط قلبي ولا هاب

كملي جميلك واطعني اليوم عيني

مابي عيوني تشتكي جور الاهداب

ولا ابي احد غيري يداوي انيني

ماقد طلبتك بس انا اليوم طلاب

وابــي على كــثر الرمل تكرهيني

لأني كرهتك صدق ولانيب لعاب

صعبة على مثلي خيانة حنيني

يامــا جرحتيني بلا ايــة اسباب

وهالمرة عاد اقول لاتحتريني

لاتحتري قلب شكى الضيم منصاب

تعب يذوق من القهر مايجيني

جرح الكرامه ماهو جرح كذاب

عند الكرامه ابيع حتى ضنيني

عودت انا نفسي على جلد وعطاب

لامن قصرت يمناي بقطع يديني

نفسي عزيزة لو هو العشق غلاب

ماهنت انا نفسي وتشهد يميني

قلتيلي انساني انا بقول بــتــراب

بــتــرابــ ابيعك دام بعتي سنيني

خلاص روحي لعنبو قلب ماتاب

روحي لهوى غيري وغيرك يبيني

الحين روحي اقفلي بعدك الباب

ابكي على نفسك وبعدين ابّكــيـــنــــــــي

************

تحياتي