نهر شرياني

دسيت تحت الضلوع الجرح واخفيته
قلت آتصبر عليه وذا العمرفانـــــي
مرت عليه السنين وخافقي بيتـــــه
يقتات نبضي ويشرب نهر شريانـــي
أحيان أحسه مثل طفلي وربيتــه
واحيان كني أنا بنته وربانـــــــــي
كم ليلة من ليال العمر غنيتـــــه
وكم ليلة من ليال الدمع غنانــــــــي
البارحه والدموع تصبني جيتــه
قلت الصبر مر واوجاعي تبلانــــــي
يا حارس الحلم وين الحلم وديته ؟!
طال انتظاري وعمري راح ما جانـــي
ناديت باقصى الخفوق الحلم ناديته
واسمع صدى صوت حلمي قبل يجفانــي
همست باسمه وكف الشوق مديتــه
قلت التمس لي طريق بغيهب أحزانـــي
قدمت له باقة أشواقي وضميتــــه
مثل المطر زار صحرا العمر واحيانــي
صحاني الحزن ما ادري الحزن صحيته
وسمعت جرحي يغني ثم نادانــــــــي :
يا حارس القلب كان الحلم لاقيتـه
علمه أنا كيف بعده حزني وأفنانـــــي
قل له بقلبي وطن والسر خبيتـــه
ما حد درى به ولا احد دل عنوانـــــي

مع تحيـــــــــــات

كفاني عذااااااااااب

نورت الموضوع بمشاركتك معنا


يسلموووووو على المرور الجميل

موضوع حلووو وجميل