نزف العتاب

**ali** الجمعة سبتمبر 11, 2009 7:15 am

اسم القصيده نزف العتاب تقول القصيده

زادت جروح المحبه وابتدى نزف العتاب
للعشيق اللي تناسى او نسى عشرة عشيقه
كيف جا له قلب يبعد ويتمادى بالغياب
كيف يتركني لحالي بين هم وبين ضيقه
ايه انا ضايع بدونه بالذهاب والاياب
والطريق اللي مشيته للاسف ماهو طريقه
مره اشعر به حقيقه واتفاجا به سراب
ومره اشعر به سراب واتفاجا به حقيقه
يعني يوم البعد قصده ليه قرب ثم غاب
ليه جدد لي جروح كانت بقلبي عميقه
لويقول الذنب ذنبي بفرض لنفسي عقاب
ذنب سويته ولازم امسحه بأية طريقه
لكن اللي رافع ظغطي وخلا الشعر شاب
أن ماجا ذنب مني يستحق بعــــــــده دقيقه
من غلاه اشقيت نفسي دون مااطمع في ثواب
افعل اللي هو يطيقه واترك اللي مايطيقه
لو طلبني العمر كله قلت مطلوبه يجاب
وش هــــــــــي اعذار الصديق اذا تخلى عن صديقه
هــــو وانــــا كانت محبتنا على حد السحــــاب
كن هو والله شقيقي وكني انا شقيقه
اشهد ان العين ذابت واشهد ان القلب ذاب
والنغس عقبه زفيره كنه يعاند شهيقه
ماترك لي في غيابه غير طعنه واغتراب
تنزف جروح المحبه والاحاسيس الرقيقه
ياعسى القى اجابه تكشف اسرار الغياب
وتنشل ببحري بقايا اسئله طاحت غريقه
اسالوا ناسي عشيقه ليه ظني فيه خاب
كيف جاله قلب ينسى ولا يتناسى عشيقه
اسالوا من هو عشقته بعدها ردوا جواب

يمكن يداوي جروح باتت بقلبي عميقه

نزف العتاب 807957