قصيده قصاص كتبتها بالسجن!!!!!

**ali** الأربعاء يوليو 08, 2009 10:25 am

أيا عالم علوم العلم بسيطه مابها اشـــــــــكال ***** ولكن علم هالدنــــــــيا صـــــــــــــعيب وموطنه ثاني

يبي صبر وجلاده مايبي يأس مع إستعــجال ***** تعلمت الحـــــــياه المـــدرسه واللــــي بها فـــــــاني

نفيت وانفنى شعري بعد مابالحكم إنـــــــقال ***** تقــــفل محـــــضري يا ناس وفي المحظر انا الجاني

تكفل حارس"ن" سجني وحط برجلي الاغلال ***** وصــــار يقودنــــي مدري ولا أدري ويــــن ودانـــــي

وكل ماابعد بعد ضو البشر واللي قرب لي ظلال**** ظــــلال"ن" طل ماابغــــاه ظـــــلام"ن" داكـــن الواني

قرب باب السجن ليّه تأخرت الخطى بالـــحال ***** ولــكن ليــــش أأخـــرها عرفـــت إن ذاك مســــكاني

تقفل باب من دوني وتقطع بي جمـيع حــبـال ***** غمضت العين انا لحالي وانــــا امس"ن" مع اخــواني

ظلام وظلم ماينطااق ولا احد"ن" همه التزعال ***** كــــلام وحـــــلم بالاوراق وانــــا النـــــايم وانا الثاني

بديت آحن لللدنيا وانا مالي ثواني قــــــــلال ***** غريــــبه انتــــي يادنيا احــــبك وإنتــــي احزانــــــي

ومع هذا أبتمسك بسجني والسجن لي فــــال ***** صحـــــيح إن الثــــمن غالي ولكن طيره اشجـــــــاني

يفوت من الشهور ألوان ولا ادري وش الاحوال ***** ويـــــزداد الــــحنين بداخلــــي والشــــوق اشـــــقاني

شوق الطير والاشجار وشوق الحي والاطــفال ***** وانا مســــــتغرب"ن" مـــــــني بشوق السجن ألقاني

شكيت ولكن الشكوى ترد ولا لها حــــــــــلال ***** غريــــبه يمكــــن اسوار الحـــــديد اللـــــي تحــــداني

يمر الوقت في سجني ويا ليته طويل"ن" بــال ***** انا مانــــي مــــثل غــــيري يــــبيه يـــمر وينســـاني

انا غيري يبيه يمر لأن حكمه قليل اوصـــــــال ***** وانا حكمي ( قصاص"ن" )والرجا هو طول مسجاني

يبه مع صيحة الديك السفيه اللي صياحه طـــال ***** صياح الديك لا لعلــــع يصـــــحي كــــل نومــــــــاني

يبه مع طلعة الجهمه وإذا بان الندى ثم ســــال ***** على اوراق الشجر مثل الدموع اللي تباكــــــــــــــاني

يبه وإن شفت أي نجمه تغطي راسها بالشـال ***** يبه وإن شفتها طارت عصافيري من أغصــــــــــــاني

يبه تعرف في ذاك الوقت أكون فآخر الاعمال ***** يبه تعرف في ذاك الوقت قرب لي حارس"ن" جـــاني

يبه ارجوك سامحني ورجاي العم بعد الـــخال ***** ورجاي الكل يسامحني لان الكل خــــــــــــــــــــلاني

يابوي بسجنه القاسي عرفت إن السجن للرجال ***** سجين بقلب محبوبي وحبيبي كان ســـــــــــــجاني