هدايا الورد ..

**ali** الثلاثاء أغسطس 18, 2009 10:50 am

أقدم هدايا الورد ..
مع فائق التحية والاحترام

هدايا الورد

ســلامك يا صغيرالسن .. له قيمة وله مقدار
عسى رد التحية .. بالسّـــلام اللي تناسبها

تتـل القلب باسلوب الصّبا اللي في سنينك حار
تلوّح لي يمينـك بالخضـــاب اللي مخضبها

عيونك تغري العاشق .. ولا يقدر معك يختار
سوى انه ينفتـن في رمشـها ولاّ حواجبـها

حضورك يسحب بساط الحضور ويخجل الحضار
تخلـي شـاعرك يهوى القصيدة قبـل يكتبها

ويغارمن الغياب .. ولاحضرت من الغياب يغار
علشان أقرب غيوم السمـا .. وابعد كواكبها

وأقل اللي يقال .. انك مدلل وابن نـاس كبار
ولا ينقصك من حلو الحيـاة الا تجـــاربها

لو حبالي على جم الهوى عندك مهيب قصار
لكني عارفٍ تالي دروبك .. قبل أجربــها

تبيلك عاشقٍ مادون قلبه عن هـواك ستـار
يجي مع باب صفحة قلبك الخالي .. ويقلبها

ولا يرسم عليها الا مراجيـح ولعب وأزهـار
ولا يكتب عليها الا آخـر الاشـعار وأعذبها

حنين أهل الهوى أقسى من حنينك ياغريب الدار
الى مريت باطلال المنــازل .. لا تعــاتبها

تبا ترضا عليك ديـار .. لو تزعل عليك ديــار
تذكر قبل لا تنســى .. الديـار اللي ربيت بها

ينـاديك الهوى بكفوف قلبٍ ما عليه غبــار
لو كفوف الجفـا مدّت على قلبك مخـالبـها

هدايا الورد .. ما عادت تعبّر عن غلا الزوّار
لا تتـعب يدك في جمـع الورود ولا ترتبـها

بدا ليـل الفراق اللي مـداه أبعـد من المشوار
واذا باقي بعينك دمـعةٍ ما جبتـها .. جبـها

يا بو خصرٍ نحيـل الله يعين الطـرقي المرّار
على نفس الدروب اللي حـلاها في متاعبها

قطع كل المسافات القديمـة .. يبعد الانظـار
على حروة بروقٍ كل ما لاحـت يراقبـها

وتجي في آخر مدى بردي تبي تشعل ضلوعي نار
ماتدري عن غلا من كان قبل يروح حاطبـها ؟

مازعلني عليه الا الغيــاب اللي بدون أعـذار
وعليه غصـــون قلبي كل نسـناسٍ يلاعبها

تبيلك قلبٍ أدنى ما يبادلك .. الشــعور الحار
وانا قلبي معــاد يجامل العشـرة وصـاحبها

من قلوب الكبار اللي معـاد يعوّدون صغـار
بقى بعض القلوب اللي تمسّـك في مذاهبها

مع تحـــــــــــيات
علي طنينه

الورده الحمراء الإثنين أغسطس 24, 2009 2:31 pm

هدايا الورد ..

هدايا الورد ..

رد: هدايا الورد ..