ياطير

**ali** الثلاثاء أغسطس 11, 2009 4:37 am

صباح ــكم قبل مســائكم

cheers

شــ ع ـــر

يا طير حزنك ما غير الصبح واليوم وانا أمس واليوم والصبـح وقفيـه
يا طير والله ما غير أطيـح واقـوم قومة خـويٍ يدافـع عـن خويـه
أجاهد النفس مثل الفرس والـروم فـاشد وأقسى الحـروب العالميـه
وادرى على خاطرٍ غالي ومحشوم مـن شرهتـه لا يسنّدهـا علـيـه
ولاّ ورى هالضلوع اعلوم وعلـوم لحـد مـا لـه نهايـه سرمـديـه
يا طير ياللي صفقت الريش للحوم وانا برجلـي طويـت الجرهديـه
أنا من الظلم ميّت وانـت مظلـوم ارفع جناحـك وانـا برفـع يديـه
لله منـادي بوجهـه كـل مظيـوم اللـي يديـر البسيطـه والبـريـه
يزيد معطي ويكفل رزق محـروم ولا تجـي بالتسـاوي ذي وذيــه
حظوظ تلبس بشوت وتنقـل ختـوم واحظوظ ما تسرح إلا في الرعيـه
وين أنت يللي قدر فرقاك محتـوم ما شح بك غير الأوفـاق الرديـه
يا قسمتي والحياه احظوظ واقسـوم يـا قمـة الموهبـه والشاعـريـه
يا لوحةٍ من سحاب ونار واغيـوم واطارهـا وردتيـن ومزهـريـه
كني خوي السهر محـارب النـوم من يوم ما صرت عني وانت ليـه
بيني وبينك روابط حـب واسلـوم شبـت وشابـت ووافتهـا المنيـه
اخاف اجيها وانا مانـي بمعـزوم واقعـد بليـا فِـراش ومقـدريـه
صبر واكابر واساوم وافرق السوم وامدهـا مـن كفوفـي حاتمـيـه
والصبر محمود كن الصبر مذمـوم لا فقت من بعض الأفكـار الغبيـه
ذكرت يا مال فرقا العين يـا قـوم أول هديـة غـلا وآخـر هـديـه
النظره اللي سهَمها باربـع سهـوم ركّبتها فـي ضلوعـي " لولبيـه "
ليلة سرابك شبح واجنوطه كـروم لا هـو بميـه ولا هـو ستمـيـه
غسلت وجهك من الشرهات واللوم واقفيت حتى مـا رديـت التحيـه

مع تحـــــــــيات
علــي طنيـــــنه
cheers

الورده الحمراء الإثنين أغسطس 24, 2009 2:29 pm

:س1: :س1:

ياطير

ياطير

رد: ياطير